Hermann, Jacob an Scheuchzer, Johannes (1708.08.25)
|
|
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johannes, 1684-1738 |
| Ort | Padua |
| Datum | 1708.08.25 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 347, pp.157-160 |
| Fussnote | Siegelspuren. Am Briefkopf p.157 Anmerkung von anderer Hand "Respondi d. 5. 7bris 1708" |
[1] Vir Celeberrime, Amice Suavissime,
Ultimae Tuae 4ti Currentis[2] Venetiis mihi reduci[3] optime redditae fuerunt, adque eas citius respondissem nisi frequentiores Capitis dolores quos immoderatissimus solis aestus qui aliquot retro septimanis nos vexabat haud dubie accersivit: nunc autem ex quo, per Dei gratiam bene valere iterum coepi simul officii memor has ad Te responsorias dare volui, primo igitur loco non erat opus ut tuum silentium aut potius responsionis moram adductis rationibus prolixe excusares, cum ego de perenni[4] Tua erga me benevolentia nimis persuasus sim quam ut tam levi de causa qualis esset aliqua scribendi procrastinatio, de sinceritate Tua et Candore quicquam sinistri suspicari valeam. Praeterea notum est quod privata cujusque nostrum negotia saepissime remoram injiciant iis quae alias agere meditabamur. Secundo cum voluptate a Te audio, quod in stadio Professionis Tuae Canicularis[5] non tantum inferioris subsellii, sed ex Senatoria dignitate Auditores nactus sis, a[d]eo ut Praelectionum Tuarum astronomicarum et philosophicarum praetio, Auditorum ordo responderit, nullusque dubito quin perspecto tuo acumine promeritos applausus a Proceribus obtinueris. Ab altera parte in decus quoque Procerum cedit, quod Viros egregia eruditione florentes aestimare norint, eosque circa materias curiosas legentes subinde audiant, hoc enim monstrat Eos rerum praetia ut deceat aestimare didicisse. Toto insuper ex pectore Tecum opto ut fortuna futuris hybernis[6] temporibus ad nos Te rapiat, qua in re omnia quae possum facio, et Cl. Abb. Fardellam[7] indesinenter adhortor ut apud Excell.mos Reformatores[8] Tuam causam agat, id quod spero strenue facturus est omnibus qua poterit occasionibus. Hoc enim ante paucos dies antequam Venetias concessisset omni quo potui cum calore commendavi illeque pro illo quo Te fovet favore, plenusque de Tuis meritis mihi sane spospondit se omnia quae ab ipso fieri possint facturum esse et forsa[n] brevi occasio dabitur cum Comes Borommeus jam ad primam Cathedram Medecinae practicae nominatus sit a Magistratu Reformatorum sed a Senatu nondum Confirmatus quod ubi acciderit ut brevi futurum speratur aperta erit janua, et Tu suavissime Amice, cum vigore proponi poteris.[9] Sic tempestive advenient exemplaria foetus Tui Agrostographiae[10] quoru[m] spem mihi fecisti, et quae inter eos Cl. Cl. Viros distribuam[11] statim atque accepero. Persuasus sum id opus non leve moment[um] negotio nostro additurum esse et si semel in hanc Universitatem ingressum obtinueris, facili postea negotio cum tempore forsan Botanicam Professionem nancisci posses; coeterum Cl. Viale[12] non videtur esse aetate adeo profecta ut non per decennium et amplius Vitae halitum probabiliter producere possit. Faxit Deus primum et postea cogitemus de Secundo. Festinantissimo, ut vides calamo Tibi scribo, et tempus urget ut receptui canam absque ut in novellarum campos libere exspatiari liceat, coeterumque si maxime vellem nihil mihi quod scriberem novi suppeteret. Vale et me Ama Celeberrimi Nominis Tui addictissimum I. Hermannum
Patavii sine revisione die 25. Augusti 1708.
Quemadmodum magnum dolorem de adversa Cel. Bernoulli[13] Valetudine persensi, sic magna vicissim laetitia tuae me perfuderunt laetitia de sanitatis ejus reditu certiorem me facientes, faxit Deus ut permanens sit et perfecta.[14] Clariss. hunc Virum quaeso a me saluta cum scribendi occasionem habebis.[15] Clariss. etiam Fratrem cui inclusas[16] si placet reddes salute mea officiosa impertieris.
A Monsieur
Monsieur Jean Scheuchzer
tres Celebre Medecin
à Zurich
Fussnoten
- ↑ Am Briefkopf findet sich der folgende Antwortvermerk von Scheuchzers Hand: "Respondi d. 5. 7bris 1708."
- ↑ Dieser Brief Johannes Scheuchzers von 1708.08.04 ist anscheinend nicht erhalten.
- ↑ Hermann hielt sich zeitweise immer wieder in Venedig auf und wohnte dann bei Giovanni Poleni. Siehe dazu den Brief von Michelangelo Fardella an Gottfried Wilhelm Leibniz von 1707.08.26, abgedruckt in Robinet, Empire Leibnizien, p. 130. Der Physiker und Mathematiker Giovanni Poleni (1683-1761) war von 1709 bis 1715 Inhaber des Lehrstuhls für "Astronomia e Meteore". Mit der Disziplin "meteore" wurden damals in aristotelischer Tradition die Wissenschaften von den erdnahen Phänomenen in der Atmosphäre, in der Hydrosphäre und der Lithospähre bezeichnet. Von 1715 bis 1719 war Poleni dann ordentlicher Professor der Philosophie "in secundo loco" und von 1719 bis 1761 Professor der Mathematik und experimentellen Philosophie in Padua. Er war auch mit den Brüdern Scheuchzer und mit Johann I, Nicolaus I, Daniel und Nicolaus II Bernoulli befreundet, mit denen er in Briefwechsel stand.
- ↑ Im Manuskript steht "perrenni".
- ↑ Es handelt sich um öffentliche Sommervorlesungen, die Johannes Scheuchzer am Zürcher Carolinum hielt. Zum Inhalt dieser Vorlesungen siehe das P. S. in Johannes Scheuchzers Brief an Johann I Bernoulli von 1708.06.24.
- ↑ Im Manuskript steht "hybenis".
- ↑ Michelangelo Fardella (1650-1718).
- ↑ 1708 bekleideten Federico Marcello, Marino Zorzi und Girolamo Venier (1650-1735) das Amt der Riformatori. Zur Funktion der Riformatori siehe den Brief von Nicolaus I Bernoulli an Johannes Scheuchzer von 1718.04.23.
- ↑ Alessandro Borromeo wurde im Jahr 1708 auf den ordentlichen Lehrstuhl für theoretische Medizin "in primo loco" berufen und nicht auf den Lehrstuhl für praktische Medizin, wie hier irrtümlich berichtet wird. Hermann glaubt, Scheuchzer könne sich um den ordentlichen Lehrstuhl für theoretische Medizin "in secundo loco" bewerben, der durch die Beförderung Borromeos frei wurde. Dieser Lehrstuhl wurde nach dem Tod Borromeos jedoch nicht mehr besetzt. Borromeo verstarb am 17. November 1708 und konnte deshalb den Lehrstuhl für theoretische Medizin nicht mehr übernehmen. Diese Professur ging schliesslich an Antonio Vallisneri (1661-1730). Siehe Chinaglia Benetazzo, Alberta/Sperotti Giacometti, Anna, Alessandro Borromeo, in: Professori a Padova, p. 497.
- ↑ Scheuchzer, Johannes, Agrostographiae Helveticae prodromus sistens binas graminum Alpinorum hactenus non descriptorum, et quorundam ambiguorum decades, [Zürich] 1708.
- ↑ Im Manuskript steht "distrubuam".
- ↑ Felice Viali (1637-1722) war in Padua 1687-1719 Präfekt des Botanischen Gartens und Inhaber des botanischen Lehrstuhls "Ostensione dei semplici". Nachfolger Vialis wurde Giulio Pontedera (1688-1757), der 1718 Konkurrent von Johannes Scheuchzer bei dessen erfolgloser Bewerbung um den Lehrstuhl der Botanik in Padua war. Siehe die Korrespondenz von Nicolaus I Bernoulli mit Johannes Scheuchzer von 1718.
- ↑ Johann I Bernoulli (1667-1748).
- ↑ Zur Krankheit von Johann I Bernoulli siehe dessen Brief an Johannes Scheuchzer von 1708.08.01.
- ↑ Johannes Scheuchzer an Johann I Bernoulli von 1708.09.09.
- ↑ Jacob Hermann an Johann Jakob Scheuchzer von 1708.08.25.
Zurück zur gesamten Korrespondenz