Bernoulli, Johann I an Poleni, Giovanni (1730.05.27)
[Noch keine Bilder verfügbar]
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Poleni, Giovanni, 1683-1761 |
| Ort | Basel |
| Datum | 1730.05.27 |
| Briefwechsel | Bernoulli, Johann I (1667-1748) |
| Signatur | Standort unbekannt |
| Fussnote | |
Eximio et Celeberrimo Viro
Joanni Poleno
Mathematico acutissimo
S. P. D.
Joannes Bernoulli.
Nunc quidem significo receptionem Epistolarum Tuarum fasciculi muneris splendidissimi, pro quo debitas ago gratias; si qua mihi suppeteret Occasio transmittendi Tibi redhostimenti loco quaedam ex Scriptiunculis meis id sane mihi foret gratissimum. Quod attinet ad Filium meum Danielem, valet ille quantum scio ex novissimis ejus litteris, quam optime. Miror nullum ab eo neque ab Hermanno Te accepisse responsum ad Tuas ad illos datas litteras; si quid ego litterarum Petropolim mittere cupio uti soleo via per Norimbergam soluto in hanc usque urbem pretio. Et hac quidem via nulla hactenus intercidit Epistola. Cl. Hermannus redibit in Patriam adventante proximo autumno, quo tempore ad finem verget Quinquennii terminus, cui Se adstrinxerunt Professores Petropolitani. En Vir Nobilissime Programma,[1] quod desideras, conditiones continens ab iis adimplendas, qui praenumerata pretii parte cupiunt Sibi destinari unum plurave Exempla magni Dictionarij Morerii: si quid porro hanc in rem per me curatum volueris, Tuum erit imperare et meum jussa capessere. Vale Vir eximie.
Dab. Bas. a. d. VI. Kal. Jun. MDCCXXX.
Salutem Tuis verbis ut jussisti dixi Nicolao Bernoullio fratris mei Filio. Is vicissim Te salutat quam officiosissime, mandatis Tuis obtemperaturus, si qua in re Tibi inservire poterit.
Fussnoten
- ↑ [Text folgt]
Zurück zur gesamten Korrespondenz