Hermann, Jacob an Scheuchzer, Johann Jakob (1708.12.22)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Padova |
| Datum | 1708.12.22 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.369-370 |
| Fussnote | |
Vir Celeberrime Fautor et Amice Col.me
Hisce diebus cistulam a Cl. Nostro Wallisnerio accepi ad Te curandam, Vir Amicissime, quam prima oblata occasione Bergomum deferri curabo ad Dn. Dn. Pestaluzzios, si ita jusseris, qui postea mediis non carebunt ulterius Tigurum usque curandi. Idem Dn. Vallisnieri parum aestimat Langii librum quem antehac Venetiis typis exscribi voluit, et postea mutata sententia in Belgio excudi curavit. Puto Te certiorem esse factum me exemplaria egregiae dissertationis Tuae de Piscium quaerelis suo quodque loco distribuisse. Ramazzinus promisit se epistolis Tibi gratias esse acturum quod num praestiterit nescio. Haut ita pridem Comes Boromeus e vivis[1] excessit, et ita nunc liberum habebimus campum pro Dn. Fratre agendi Cel. Fardella et ego. Hisce Vale Vir Clarissime et me porro Ama Celeberrimi Nominis Tui Cultorem perpetuum Hermannum
Patavii 22 Decembr. 1708.
Fussnoten
- ↑ Im Manuskript steht "evivis".
Zurück zur gesamten Korrespondenz