Hermann, Jacob an Scheuchzer, Johann Jakob (1707.02.23)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1707.02.23 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.333-334 |
| Fussnote | |
Vir Celeberrime, Amice pl. honorande.
En Tibi Acta Tua Trivoltiensia quae nunc restituo gratias agendo maximas pro eorundem communicatione, multo eis insunt curiosa: est saepissime nimio in recensendis libris Partium studio abripiuntur Autores Iesuitae qui Clerico imprimis infensissimi videntur utpote quem ubique fere Socinianismi accusant. Invenies fasciculo[1] inclusam Epistolam a Dn. Iunio ad Te exaratam quam heri ab amica manu accepi a Varignonio interim aut a Saurino nullas adhuc responsorias accepi. Septem quoque jam sunt menses quot nullae Patavio literae ad me fuerint perlatae adeo ut verear ne quid adversi Clariss. Fardellae acciderit qui antehac non solebat multum in respondendo cunctari. Quapropter rogo etiam atque etiam ut quando ad Amicum Patavinum dabis literas ea dare Te haud gravatim informes. A Dn. Guglielmino diu quoque est quod responsum expectem.
Ultimam meam Epistolam ante octiduum Fraternae inclusam Tibi aeque ac Dn. Fratri suam redditam esse confido, nunc rogo ut eum a me plurimum salutes, mihique proporro favere pergas. Vale Celeberrimi Nominis Tui studiosissimus Hermannus
Basileae 23. Febr. 1707.
Fussnoten
- ↑ Im Manuskript steht "fasciluo".
Zurück zur gesamten Korrespondenz