Hermann, Jacob an Scheuchzer, Johann Jakob (1706.07.21)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1706.07.21 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.279-280 |
| Fussnote | Siegelspuren |
Vir Celeberrime, Fautor et Amice honoratiss.me
De prospero Tuo ex Itinere Alpino reditu ex animo Tibi gratulor Gratiasque ago quod ejus certiorem me facere non dedignatus es; Nullus dubito quin complures egregias Observationes pro sagacitate Tua insigni Tecum reportaris, quas aliquando nosse mihi volupe erit. Nuper rescivi schediasma meum in Actis Iunii proxime elapsi comparuisse, nescius autem an correcte impressum sit Te etiam atque etiam rogo, ut si possibile sit illum mensem per Tabellarium proxima occasione transmittere digneris, quem postea maxime cum gratiarum actione iterum intemeratur cito remittam, caeterum gratulor mihi summopere id specimen Dioptricum Tibi probari, et propter Cl. Hirium in eo notatum dubitavi illud inter Acta impressum iri. De Hermanno Hermanni quae scribis doleo me Tibi dicere non posse quis cujusve fuerit.
A Cl. nostro Dr. Hardero Ultimum Ephemeridum Germanicorum Tomum petam Tibi transmittendum prima occasione aut eum rogabo ut cito Ipsemet ad Te transferri curet. Hisce Vale et me ama Celeberrimi Nominis Tui Cultorem perpetuum I. Hermannum
Raptissime Basileae 21 Iulii 1706.
A Monsieur
Monsieur Scheuchzer tres Celebre
Docteur en Medecine et Membre des Societez
Imperiale et Royale d'Angleterre
à Zurich
Fussnoten
Zurück zur gesamten Korrespondenz