Scheuchzer, Johann Jakob an Hermann, Jacob (1704.02.04)
|
| Kurzinformationen zum Brief mehr ... | |
|---|---|
| Autor | Scheuchzer, Johann Jakob, 1672-1733 |
| Empfänger | Hermann, Jacob, 1678-1733 |
| Ort | Zürich |
| Datum | 1704.02.04 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 150a, p.334 |
| Fussnote | Undatiert. Der Entwurf steht in Scheuchzers Kopierbuch zwischen zwei Entwürfen vom 4.2.1704, muss also von diesem Datum sein. Dem Brief lag ein Katalog von Büchern aus Scheuchzers Bibliothek bei. Dieser scheint mit Hermanns Nachlass verschollen. |
[...] Mons.r Herman à Basle
Vir Celeb.
Amice opt.e
En, quem promisi Catalogum Bibliotheculae meae Mathematicae, si talem meretur Titulum parvus fasciculus. His si qui ad palatum sint, utere mecum, et Tuos vicissim, si tempus concesserit, notos mihi fac.
En quoque Woodwardi Geographiam, scriptum Te possessore dignum.
In Praegallia valle ejusdem Lineae fundamentalis subsidio mensuravi montes tres, quorum en producta integra! etc., etc., etc.
Non ausus fui ulli horum adhibere fidem, excepto forte Il Piz delle Undeci, qui proximus erat, et reliquis longe inferior, qui Angulum exhibuit 3° 10'.
Sed distingue, rogo, Triangulum superius ab inferiore; Illud basin stationariam habet parallele cum montibus ipsis mensurandis positam, quae ad id solum inserviebat, ut distantias verticum ab oculis meis invenirem. His inventis vero Instrumento inveni Triangula rectangula, in quibus et sunt inventa per priorem operationem distantiae a culminibus montium horizontales ad Centrum montis, tertia perpendicularis, desiderata sc. altitudo. Unde patet, Angulum esse 28° 40' non vero, ut conjectabas, eundem cum superiore.
De fallacijs, quas operationes Geometricae subeunt ob refractiones per varias Aeris rarioris et densioris partes idem Tecum sentio, delectatus maxime Tua demonstratione. Monuit hac de re Ricciolum jam olim Kircherus in Epistola d. 17. Febr. 1647 montium sc. altitudines obnoxias esse Refractionibus, et species Insularum ac montium refringi in nostro Aere, ac proinde videri altiores ac propiores, quam revera sint: saepe enim Melita degenti visum Aetnam, quem postero die quamvis serenissimo videre non licuit. Tribuit autem causam Ricciolus non tam aeris ipsius, [quamtumvis] differenti constitutioni, quarum vaporibus in Aere contentis, inter oculum et objectum interfusis. Sed quid fiet de modis illis Altimetricis omnibus, quos ordine recenset Ricciol. Almag. T. II. p. 593-598 imo quid de tota praxi Geometriae hactenus usitatae?
Vale his et amare perge
J. J. Sch.
Fussnoten
Zurück zur gesamten Korrespondenz