Hermann, Jacob an Scheuchzer, Johann Jakob (1705.01.21)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1705.01.21 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.213-214 |
| Fussnote | |
Vir Experientissime et Celeberrime, Fautor et Patrone honoratissime
Cum quinque jam effluxerint septimanae ex quo ad Cl. Fardellam[1] Professorem Patavinum suasu Excell. Leibnitii[2] dederim literas,[3] responsionem autem nullam hucusque acceperim; a Te sciscitari volui num quid Tu aliquam responsoriam ab Amico Tuo in eadem Universitate degente obtinueris cui Te scripsisse ex Ultimis Tuis[4] intellexi. Mea enim plurimum refert, ut quantocyus ex Italia literas accipiam ut mature resciscam an, et quibus sub conditionibus Patavium vocandus sim,[5] quorum Leibnitianae literae mihi spem fecerunt amplissimam, mea inquam refert haec certo scire; Quandoquidem Cl. Iselius[6] Prof. Historiarum apud Marpurgenses Amicus meus singularis nupere me certiorem reddidit,[7] Professionem ibi Mathematicam vacare, seque illuc loci me pertrahendi cupidissimum jam ea excogitasse et partim egisse ut ad eam Cathedram vocarer quorum sibi prosperrimum possit polliceri successum: nesciebat utique Amicus fidem meam Patavinis me jam obstrinxisse. Impatiens itaque ex Italia expecto literas.[8] Haec Tibi, Vir Clarissime, in aurem dico; et quicquid eveniat mihi semper pollicebor in Te habiturum me esse Amicum optimum et Fautorem benevolum; mihique impense gratulabor quotiescunque occasio mihi praebebitur facto ostendendi, me Tui addictissimum esse Hermannum
Basileae die 21 Ianuarii 1705.
Fussnoten
- ↑ Fardella, Michelangelo (1650-1718) BIBB
- ↑ Gottfried Wilhelm Leibniz an Jacob Hermann von 1704.11.24. $NLeibniz BIBB
- ↑ Dazu siehe Jacob Hermann an Johann Jakob Scheuchzer von 1704.12.17.
- ↑ Dieser Brief Johann Jakob Scheuchzers an Vallisnieri ist anscheinend nicht erhalten.
- ↑ $Kommentar$ Berufung Hermann Padua
- ↑ $NJakob Christoph Iselin (1681-1737), Theologe und Historiker aus Basel, war seit Juni 1704 Professor der Geschichte und Eloquenz in Marburg a. d. L. Matrikel Basel IV, Nr. 1510.
- ↑ Ein diesbezüglicher Brief von Jakob Christoph Iselin an Hermann ist anscheinend nicht erhalten.
- ↑ Solange Hermann keine verbindliche Zusage für seine Berufung nach Padua erhielt, hielt er sich die Option eines Lehrstuhls in Padua offen.
Zurück zur gesamten Korrespondenz