Scheuchzer, Johannes an Bernoulli, Johann I (1712.01.03)
|
|
| Kurzinformationen zum Brief mehr ... | |
|---|---|
| Autor | Scheuchzer, Johannes, 1684-1738 |
| Empfänger | Bernoulli, Johann I, 1667-1748 |
| Ort | Zürich |
| Datum | 1712.01.03 |
| Briefwechsel | Bernoulli, Johann I (1667-1748) |
| Signatur | Basel UB, Handschriften. SIGN: L Ia 668, Nr. 56* |
| Fussnote | |
Viro Excellentissimo Celeberrimo
D. Iohanni Bernoullio
S. P. D.
Iohannes Scheuchzerus. D.r
Inchoatum noviter Annum Tibi ad vota Tua, imo et ad vota Amicorum exopto felicissimum: Sed et faxit D. O. M. ut declinanti Orbi Literario per plura adhuc lustra salvus et incolumis superstes sis.
Diu silui;[1] non quod tua quid intersit ne sileam, meas Tibi excusationes formo, sed ut a me removeam turpe oblivionis Tui, facile dixerim, crimen; En causam, inde ab aliquot mensibus accepi in ordinem redigere Annales Helveticos, quos vulgo die Abscheid nuncupamus,[2] opus infiniti fere laboris, perveni ad Annum usque 1516 inclusive, quo pax inter Helvetos, et Franciscum l.um Galliae Regem pacta fuit, didici multa, et speciatim Helvetiorum illius temporis incorruptam sinceritatem, atque in rebus arduis et pernicissimis fortitudinem et constantiam, fidemque, quae omnia nunc partium studio corrupta merito lugemus. Interceptum hoc conamen jussu Cancellariae fuit sub praetextu, non convenire homini civi, et vix in atrio gentium constituto, versatum in rebus patrijs secretioribus esse. Rem ad Consules, et Amplissimum Magistratum detuli, inter quorum manus adhucdum versatur. Et haec causa est cur negligentior fuerim in Te colendo, cui oscitantiae, ut pro more Tuo, ignoscas obnixissime rogo.
Quales Hermannus noster cum Verzaglia lites Algebraicas alit! Scribunt patavi Amici,[3] eum a dicto homine non minus acriter quam impertinenter lacessitum fuisse. Quales hominem dictum furiae exagitant? forsan eaedem, quibus Te omnium maxime sincerum lacessere sustinuit; quale quid ad aures meas detulit Nepos Tuus, dum Parisijs eram;[4] Metempsychosis quaedam si daretur, animam ejus migraturam post obitum suum crediderim[5] in muscarum illud genus hominibus aestatis tempore infensissimum, quod morsibus suis venenosis itinerantes quam maxume molestat. Videat ne similis sit illi apud Lucianum Lyristae qui in Delphico Theatro brabejon alijs ineptissimo suo cantu praeripere voluit, quo ausu nil aliud nisi opprobria, qui retiam verbera lucratus est.[6]
Apud nos quoque nuper quaedam vigebant lites acres satis: acri quodam et insulto tamen Memoriali,[7] Antistes noster lacessivit Archioeconomum Bodmerum nostrum, hominem probum, et pro Ecclesiae Scholaeque bona vigilantissimum, paratam ille obtulit responsionem[8] non gravem minus quam acrem, dignum quoque retulit applausum, quorsum tendent tandem intempestivi hi et insulsi fervores, facile dixissem furores![9] Forsan Tu quaedam hisce de rebus rescivisti jam dum, sin minus Tibi (sub rosa tamen) communicabo et accusationem, et defensionem, itemque Senatus Consultum. Caeterum Hisce Vale, et favere mihi perge.
Dabam, ut vides raptim, Tiguri III. Non. Ian. 1712.
Fussnoten
- ↑ Der letzte Brief von Johannes Scheuchzer ist von 1711.06.27.
- ↑ Die von Johannes Scheuchzer geordneten Dokumente befinden sich im Staatsarchiv des Kantons Zürich, B VIII 81-B VIII 171, unter dem Titel Allgemeine Abschiede in Sammelbänden (1463-1711).
- ↑ Der Streit zwischen Jacob Hermann und Giuseppe Verzaglia wird in einigen Briefen von Antonio Vallisnieri an Johann Jakob Scheuchzer (ZB Zürich, Ms H 312, pp. 3-246) sowie in Jacob Hermann an Johannes Scheuchzer von 1712.01.21 behandelt.
- ↑ Johannes Scheuchzer und Nicolaus I Bernoulli hielten sich 1710 gleichzeitig in Paris auf. Siehe Johannes Scheuchzer an Johann I Bernoulli von 1710.09.12.
- ↑ Im Manuskript steht an dieser Stelle ein Semikolon.
- ↑ Scheuchzer bezieht sich hier auf eine Passage aus Lukian, Adversus indoctum et libros multos ementem, 8-10, in der ein gewisser Evangelus sich beim musischen Wettkampf in Delphi blamiert und mit Schlägen von der Bühne vertrieben wird.
- ↑ Klingler, Anton, Memorial des Hrn. Antistes Klingler wider Hrn. Obmann Bodmer dem Kleinen Rath übergeben den 5 December Ao 1711 (ZB Zürich, Ms T 410, Nr. 13).
- ↑ Bodmer, Hans Heinrich, Erwiderung auf Anton Klinglers Memorial des Hrn. Antistes Klingler wider Hrn. Obmann Bodmer dem Kleinen Rath übergeben den 5 December Ao 1711 (ZB Zürich, Ms T 410, Nr. 13).
- ↑ Siehe hierzu Bütikofer, Kaspar, Der frühe Zürcher Pietismus (1689-1721), Göttingen 2009, p. 464.
Zurück zur gesamten Korrespondenz