Bernoulli, Johann I an Scheuchzer, Johannes (1708.06.20)
|
|
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Scheuchzer, Johannes, 1684-1738 |
| Ort | Basel |
| Datum | 1708.06.20 |
| Briefwechsel | Bernoulli, Johann I (1667-1748) |
| Signatur | ZB Zürich. SIGN: Ms H 321a, Nr 9, pp. 25-26 |
| Fussnote | Am Briefende: "Respondi d. 24. Junij" |
Clarissimo Viro
Johanni Scheuchzero
S. P. D.
Joh. Bernoulli
Accepi heri nitidissimas Tuas et elegantissimas Tabulas aeneas cum aliquot foliis prioribus Prodromi agrostographici,[1] reliqua quae desunt ab Humanitate Tua pariter expecto; interim gratias ago pro munere harum Tabularum quae sane sub splendida et augusta prodeunt forma, cura quaeso ut mox ipsa Tua Agrostographia,[2] cujus hic prodromus est, pari nitore et pulchritudine lucem videat; monstravi Tabulas Cl. nostro Botanico Stehelio,[3] qui mecum laudavit peritam Chalcographi manum, et Typographi egregios typos; etiam pro se deposcit exemplar: ubi totum prodierit avide legam opusculum, ex eo ubique Tuum elucere ingenium non dubito; fugitivo perlustrans oculo, nomen quoque meum inveni cujus honorificam praeter meritum mentionem fecisti, quare et hoc capite Tibi gratias ago.
Mitto Tibi hic litteras Varignonij, mihi si lubet remittendas, ex quibus edisces quod quae Parisiis desiderasti, jam diu itineri sint commissa;[4] sed per nescio quem casum nondum Argentorati appulerunt; vereor ne fasciculi restitaverint Parisiis, ex eo quod ut Varignonius subdit, cum curru prima vice proficisci nequiverint, unde postea forte per omnimodam oblivionem neglecti etiamnum Parisiis haerent, modo non prorsus omissi, quod non sperem! Scripsi hac de re Varignonio[5] ut in causam hujus morae inquirat, et inprimis curet fasciculos tuto huc deferendos; nunc ejus responsionem[6] propediem expecto.
Verzalia Bononiensis aut potius Caesenas[7] Vir Doctus, ante octiduum salvus hic appulit, hospitatur in meis aedibus;[8] rogavit me ut meis verbis salutem Tibi ascribam, miratur autem quod Te non etiam hic repererit, uti ei per litteras promiseras.
Ecce nunc iterum (ut petis) volumen chartae illius cujus jam tria accepisti volumina. Vale et me ut soles ama.
Dabam Basileae a. d. XX. Junj 1708.
Joseph Verzalia Caese[n]as duobus egregijs viris Scheuc[z]eris Fratribus amicis suis colendissimis salutem plurimam dicit.[9]
Fussnoten
- ↑ Scheuchzer, Johannes, Agrostographiae Helveticae prodromus sistens binas graminum Alpinorum hactenus non descriptorum, et quorundam ambiguorum decades, [Zürich] 1708.
- ↑ Scheuchzer, Johannes, Agrostographia sive Graminum, juncorum, cyperorum, cyperoidum, iisque affinium historia, Tiguri [Zürich] (H. Bodmer) 1719.
- ↑ Johann Heinrich Staehelin (1668-1721) war ab 1706 Professor der Eloquenz und ab 1711 Professor der Anatomie und Botanik in Basel.
- ↑ Pierre Varignon an Johann I Bernoulli von 1708.05.08.
- ↑ Dieser Brief von Johann I Bernoulli an Pierre Varignon von 1708.06.12 ist anscheinend nicht erhalten.
- ↑ Pierre Varignon an Johann I Bernoulli von 1708.06.19.
- ↑ Die zur Einfügung vorgesehene Passage ``aut potius Caesenas" findet sich im Manuskript nach der Datumsangabe.
- ↑ Zum unerfreulich endenden Aufenthalt von Giuseppe Verzaglia bei Johann I Bernoulli siehe Nagel, Fritz, Johann Bernoulli und Giuseppe Verzaglia. Monstrum Italicum aut Basiliense, in: Basler Zeitschrift für Geschichte und Altertumskunde, 91 (1991), pp. 83-105.
- ↑ Dieses P. S. stammt von der Hand Giuseppe Verzaglias. Es folgt das Antwortvermerk von Johannes Scheuchzer: ``Respondi d. 24. Junij."
Zurück zur gesamten Korrespondenz