Hermann, Jacob an Scheuchzer, Johann Jakob (1706.09.22)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1706.09.22 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.287-288 |
| Fussnote | Siegelspuren |
Vir Celeberrime
Grates persolvo ingentes pro transmisso Catalogo Librorum Tuorum superfluorum ideoque venalium tum et iam pro Schediasmate Habermanniano in quo cum scriptum non sit ubi et quando prelum subierit, Cujusve Autor sit, rogo ea me edocere non detrectes. Videtur subinde aliquos in Germaniae Academiis emergere qui Mathesi theoretica operam dent. Ante aliquot menses Cel. noster Bernoullius duas dissertationes Lipsiae accepit circa Calculum Differentialem conscriptus et ibidem a quodam Philosophiae Magistro Wolfio ventilatas adeo ut Analysis Leibnitiana in Germania quoque propagari incipiat unde originem traxit. Communicabo Catalogum cum Cl. nostro Paravicino illumque intra praestitutum tempus trium septimanarum restituam, libros infra nominandos notavi in Tuo Catalogo quos ut proxima occasione mittas rogo pretium eorum statim soluturus. De Tournefortii Itinerario proxima occasione Cl. Varignonio scribam qui mihi Acta Academiae pro Dn. Fratre mittet; Huic, quaeso, Te, significa me fasciculum continentem scripta algebraica quae Ipsi[1] mutuo transmiseram optime accepisse, proximeque ipsi me esse responsurum; doleo tamen me ipsi tractatum Valsalvae de Aure humana neque MSs. botanicum quae Gloxino communicaverat et quae non habeo transmittere non posse quia mihi nonquam inter manus fuere. Hisce vale et Ama Celeberrimi Nominis Tui Cultorem perpetuum Hermannum
Basileae 22 7bris 1706
De la Hire De sectionibus Conicis fol. 1685
Teyler Architectura Militaris, 4.
[Bil]berg Refractio solis inoccidui.
[...][2]
A Monsieur
Monsieur Scheuchzer l'ainé
tres Celebre Docteur en Medecine et
des Academies Imperiale et Royale d'Angle-
terre
à Zurich
Fussnoten
Zurück zur gesamten Korrespondenz