Hermann, Jacob an Scheuchzer, Johann Jakob (1705.02.18)

Aus Bernoulli Wiki
Zur Navigation springen Zur Suche springen


Briefseite   Briefseite  


Kurzinformationen zum Brief       mehr ...
Autor Hermann, Jacob, 1678-1733
Empfänger Scheuchzer, Johann Jakob, 1672-1733
Ort Basel
Datum 1705.02.18
Briefwechsel Hermann, Jacob (1678-1733)
Signatur ZB Zürich. SIGN: Ms H 318, pp.221-222
Fussnote Siegelspuren



File icon.gif Vir Celeberrime

Fautor et Amice honoratissime

Multis nominibus Tibi obstrictus sum: Primo quod epistolam meam in Italiam curare non es dedignatus; dein pro transmissis Turoum Novorum Historico-Naturalium quae multum mihi arrident, neque dubito quin alii Curiosi eadem maxima cum voluptate sint lecturi, jamque aliqui ex Amicis meis ea hebdomadatim desiderant quibus pretium quo veneunt indicabo, eosque Amicos quorum numero quoque includor proxime Tibi notificabo. Schedulam ante octiduum Dno. Hofmanno novellarum nostrarum publicarum editori de optima comendavi nota, annuitque se illam novellis esse adjuncturum, quod tamen cum nondum fecerit, promissum ad animum ipsi revocabo, simulque eum rogabo ut eandem schedulam novellis Norimbergensibus et Francofurtensibus inseri curet, cujus ante octiduum spem mihi fecit. Gratias quoque ago maximas pro communicatione eorum quae Venerandus Vester Antistes a Daemone aut infesto sibi spiritu hactenus perpessus est, cujus rei rumor nostram ferme urbem impleverat, et de qua, ni fallor, inter Rev. nostros Ministros non ita pridem actum est. Pro Voto tandem sincero circa meam Vocationem Italicam gratias itidem habeo maximas; Tibique omnia ex Voto quoque ut succedant animitus totoque pectore opto. Vale, Vir Clariss. viveque memor Celeberrimi Nominis Tui Cultori perpetuo Hermanno

Dabam Basileae die 18 Febr. 1705.

File icon.gif A Monsieur

Monsieur Scheuchzer

trés Célébre Docteur en Medecine et Membre

des Societés Imperiale et Royale de Londres

à

Zuric


Fussnoten


Zurück zur gesamten Korrespondenz