Scheuchzer, Johann Jakob an Hermann, Jacob (1705.02.15)
|
| Kurzinformationen zum Brief mehr ... | |
|---|---|
| Autor | Scheuchzer, Johann Jakob, 1672-1733 |
| Empfänger | Hermann, Jacob, 1678-1733 |
| Ort | Zürich |
| Datum | 1705.02.15 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms. H.150b, S.69 |
| Fussnote | Überschrift "Mr. Herman à Basle" |
Mr Herman à Basle.
Ill.
De Epistola Tua Cl. Fardellae destinata non dubito, quin ipsi venerit in manus: tradidi illam una cum alijs Postae.
Vocatio Tua et ipsum salarium ut succedant ex voto, animitus opto.
Novorum meorum Historico-Naturalium mitto primordium. Qui ea hebdomadatim desiderant (pro 1½ crucig. singule, vel fl. 1 annuatim) nomina sua tradere poterunt vel Tibi, Amice optime, vel alijs ex meis Fautoribus. Tibi interim sum obstrictus permaxime pro eo, quod schedulam meam insoliti hujus laboris indicatoriam Typographo commendare volueris.
Daemonem qui Exc. nostri Antistitis personam et domesticos afflixit, quod attinet, videtur ille ex Lemurum prosapia; singulari Dei permissione domui huic immissus, peragit autem ille ingratus hospes mira ludicra simul et noxia, Libros, vestes, patinas, [saxa] et obvia alia transportat, per scalas deijcit, colaphos infligit, cibos suffuratur, praesentaneum se sistit ubique. Sua tamen habent hae Actiones intervalla: Inde a 44 diebus a laboribus prioribus forte delassatus, absentem se fingit; utinam exulet prorsus! Historia est, si quae, curiosissima, quam totam, ut audio consignavit Exc. Antistes. Vale his etc. [J. J. Scheuchzer]
d. 15. Febr. [1]
Fussnoten
- ↑ Das Jahr 1705 des Datums ergibt sich aus der chronologischen Anordnung der Notizen und Briefentwürfe Scheuchzers im entsprechenden Band seiner "Copiae epistolarum".
Zurück zur gesamten Korrespondenz