Hermann, Jacob an Scheuchzer, Johann Jakob (1706.12.11)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1706.12.11 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.305-306 |
| Fussnote | Siegelspuren |
Vir Celeberrime, Amice honoratiss.me
Accipies post aliquot dies a Veredario Domini Mülleri nostri fasciculum continentem Commentarios Academiae Regiae scientiarum pro Dn. Fratre qui me aliquoties jam rogavit ut semper ad Te curarem deferri quicquid librorum ad Ipsum mittere gestirem; ejus itaque voluntati obtemperaturus ad Te direxi fasciculum signo M. H.[1] insignitum qualiter erat cum Parisiis mihi mitteretur. Continet adhuc idem fasciculus alium pro Te a Clariss. nostro Staehelino missus. A Clarissimo Paravicino nostro laetus accepi Itinerarium Tuum Helveticum curiosum Londini impensis Societatis editum praelo jam exiisse, liceatque mihi rogare quam officiosissime, exemplare unum, una cum Newtoni tractatu de Coloribus latinae editionis, et Moyvraei Animadversionibus in Cheynei Methodum fluxionum inversam, procurare mihi digneris pro quibus quam exactissime pretium statim solvam. Dn. Harscherus noster gratum ante aliquot dies nuntium accepit se in locum Dn. Iselii nostri Hofmanni in Prof. historica successoris substitutum esse; alia non succurrunt nova, hisce vale et fave Celeberrimi Nominis Tui Cultori Hermanno.
Basileae 11 Xbris 1706.
Rogandum Te, Vir Amicissime, duco, ut Cl. Fratri haud gravatim indices Commentarios suos tam diu desideratos propediem Tiguri affuturos, Officiolaque reliqua mea cum plurima salute ipsi offerendo.
A Monsieur
Monsieur Jean Jaques
Scheuchzer tres Celebre Me-
decin et de la Societé royale D'Angle-
terre,
à Zurich
Fussnoten
- ↑ "M. H." bedeutet wohl Monsieur Hermann.
Zurück zur gesamten Korrespondenz