Hermann, Jacob an Scheuchzer, Johann Jakob (1707.03.02)
|
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1707.03.02 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.335-336 |
| Fussnote | Siegel |
Vir Celeberrime, Fautor et Amice Honoratissime
Gratias habeo maximas quod velis responsa Fardelliana et Guglielminiana urgere per literas ad Amicum Tuum Patavinum. Ampl. Leibnitius nunc in eo est ut Acta quoque vel Miscellanea Academiae Borussicae edantur, eaque propter a Cl. nostro Bernoulli et a me quoque petiit ut si quae ad manus forent observationes Mathematicae vel physicae, Berolinum transmitteremus quae una imprimi possent. Praematurum Obitum Uxoris Clariss. Fratris magno quoque cum Dolore per Amicum mihi innotuit antequam Vestrae literae mihi traditae essent. Deus vos omnes de tanta jactura solatur suisque benedictionibus eam ubertim resarciat; ejusque Filiolum dulciss. superstitem esse jubeat quam diutissime Patri solatio, et Parentibus gaudio. Scire aveo an tuo medio obtinere possim Opticam Latinam Newtoni cum adjecto Tractatulo ejusdem de specie Curvarum, et quam cito id sperandum mihi sit. His vale et amare haud cessa Celeberrimi Nominis Tui Cultorem perpetuum Hermannum.
Basileae d. 2 Martii 1707.
A Monsieur
Monsieur Jean Jacques Scheuchzer
tres Celebre Medecin etc.
à Zuric
Fussnoten
Zurück zur gesamten Korrespondenz