Bernoulli, Johann I an Poleni, Giovanni (1716.03.09)
[Noch keine Bilder verfügbar]
| Kurzinformationen zum Brief mehr ... | |
|---|---|
| Autor | Bernoulli, Johann I, 1667-1748 |
| Empfänger | Poleni, Giovanni, 1683-1761 |
| Ort | Basel |
| Datum | 1716.03.09 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L I a 675, fol.18 |
| Fussnote | |
Viro Praenobili et Illustrissimo
Marchioni Joanni Poleno
S. P. D.
Joh. Bernoulli.
Permitte Vir Nobilissime ut qui hasce Tibi tradit Filius meus, interpellet nonnihil gravissima Tua negotia: constituit iter facere in Italiam[1] ut cognitionem acquirat rerum cognitu dignarum, cum primis vero ut in notitiam veniat Virorum qui ibi morantur Eruditorum et longe lateque Celebrium, in quorum censum nemo qui rite aestimare novit ingens Tuum meritum in rem Litterariam inprimis Mathematicam Te referendum esse inficiabitur: quare magno sibi honori ducet Filius meus, si libere Tecum conversari audeat: invenies eum ut spero non prorsus hospitem in Mathematicis nec adeo ἁγεωμέτρητον in Geometria profundiori, quin de ea sermones miscere sustineat cum Viris Peritissimis. Sed et me obstringes Vir Illustrissime et tantum quidem quantum fieri potest maxime si Filium meum usque adeo Tibi commendatum habere velis, ut Tui accessu, Tuisque consiliis uti et frui queat, quandoquidem non procul a Laribus Tuis nempe Venetiis aliquandiu habitabit apud Cl. Michelottum Medicum famigeratissimum, qui eum ad se perquam humaniter invitavit, si in Italiam venturus esset, ut cum eo de rebus Mathematicis, quarum magnus est cultor, agere possit.[2] Caeterum si quid in mea est potestate, quo Tibi inservire queam, deprehendes me quovis tempore paratissimum. Vale Vir Nobilissime, mihique favere perge.
Dabam Basileae. a. d. 7. Id. Mart. 1716.
Fussnoten
Zurück zur gesamten Korrespondenz