1704-01-23 Hermann Jacob-Scheuchzer Johann Jakob: Unterschied zwischen den Versionen
Dgehr (Diskussion | Beiträge) Keine Bearbeitungszusammenfassung |
Dgehr (Diskussion | Beiträge) (Änderung 6842 von Dgehr (Diskussion) rückgängig gemacht.) |
||
| Zeile 2: | Zeile 2: | ||
{{DISPLAYTITLE:Hermann, Jacob an Scheuchzer, Johann Jakob (1704.01.23)}} | {{DISPLAYTITLE:Hermann, Jacob an Scheuchzer, Johann Jakob (1704.01.23)}} | ||
<!-- End Titel --> | <!-- End Titel --> | ||
<!-- Begin Bilder --> | <!-- Begin Bilder --> | ||
{|border="0" | {|border="0" | ||
|<html>< | |<html><//http://www.e-manuscripta.ch/zuz/image/thumb/1009395" target="_new"><img src="http://http://www.e-manuscripta.ch/zuz/image/thumb/1009395"></a> </html> | ||
|} | |} | ||
<!-- End Bilder --> | <!-- End Bilder --> | ||
Version vom 5. August 2015, 16:23 Uhr
|
| Kurzinformationen zum Brief mehr ... | |
|---|---|
| Autor | Hermann, Jacob, 1678-1733 |
| Empfänger | Scheuchzer, Johann Jakob, 1672-1733 |
| Ort | Basel |
| Datum | 1704.01.23 |
| Briefwechsel | Hermann, Jacob (1678-1733) |
| Signatur | ZB Zürich. SIGN: Ms H 318, pp.195-198 |
| Fussnote | |
Vir Excellentissime et Celeberrime,
Fautor et Amice honoratissime!
Gratias Tibi debeo, et quantum possum, persolvo maximas, non solum pro maximo labore quem in edendo quam accuratissime schediasmate meo impendere non dedignatus es, et pro ipsis Exemplaribus Novorum literariorum nitidissime typis excusorum; sed et pro propensissimo Tuo erga me nihil tale merentem Favore et quo me prosequeris Amore; quibus factum est, ut operam Tuam in procurandis mihi nonnullis, quos desidero, Autoribus Italicis quam humanissime mihi offerres, insignibusque laudibus, Tibi potiore debitis jure, largius me cumulares. Ego quantum in me erit, omnes Occasiones studiosissime quaeram gratitudinem meam utcunque testandi; nam Cuncta Tua in me merita demereri nunquam potero.
Ex Italicis Scriptoribus Mathematicis praeprimis vellem habere Vincentii Viviani Divinationem Geometricam de Maximis et Minimis. Benedicti Castelli Mensuram aquarum Currentium. Dominici Guglielmini Mensuram aquarum fluentium Anno ni fallor 1691 editam, quem librum postea Gaudentius Robertus suis inseruit Miscellaneis Italicis; et tandem ejusdem Guglielmini Tractatum Physico-Mathematicum De Natura Fluminum Italice scriptum et Bononiae editum 1697. Si ergo absque maxima Tua incommoditate recensitos Libros mihi procurare posses venales maximopere hoc officio me Tibi obstringeres. Nulla enim Materia in tota Mathesi practica magis mihi arridet quam ea de qua posteriores hi libri tractant.
Haud dubie habes, aut habere potes, Goldmanni Architecturam civilem vernaculo sermone a Dn. Sturmio Filio Guelferbyti A. 1696 editam 
ejusdemque Dn. Sturmii Teutschredenden Vauban qui Hanoverae ni fallor ante aliquot annos prodiit, hos inquam duos Sturmianos tractatus magnopere mihi comparare gestio, at in nostris Bibliopoliis non extant.
Dn. Ioh. Bernoulli Librum cum hoc titulo Spinozismi Depulsionis Echo, id est etc., cujus in egregiis Tuis Novis litterariis Helvetiae 1704 pag. 29 meministi apprime curiosum existimo quemque quoniam non vidi neque prius rescivi quicquam tale ab Illo editum esse quam Nova literaria vidissem, legere peroptarem, et quem tamen, quia octo tantum plagulis constat, facile crediderim Dissertationem tantum esse Academicam: verum quicquid rei sit, Titulus nil, nisi Curiosa promittit aut saltem promittere videtur.
Annotationes et Observationes Tuae Circa Methodum altimetricam ope Baroscopii mihi videntur solidissimae, quibusque iccirco penitus acquiesco.
Quantum autem ad communem attinet modum qui peragitur mediantibus Instrumentis Goniometricis, duas ob Causas eum fallacem et incertum esse existimo in dimetiendis altitudinibus non nihil magnis. Primo quia linea stationum (ut ajunt) aut linea fundamentalis saepissime non potest habere sufficientem Magnitudinem. At quandocunque Linea stationum parvam nimis habet rationem ad Altitudinem Montis investigandam, tunc neglectus vel unius Minuti (qui tamen caveri in instrumentis ordinariis quantumvis alias affabre constructis nunquam potest, quia divisionem minutorum ob nimiam parvitatem non admittunt) errorem satis sensibilem inducere potest, ut Tibi facile constat.
Altera ratio ob quam operationibus vulgaribus Trigonometricis, in dimetien
dis Montibus uti nollem, est Refractio qua fit, ut Radii solares venientes a Cacumine Montis non recta sed Curva Via in Spectatoris oculos[1] incidant, qui tamen recto tramite a Summitate Montis procedere supponuntur a Geodaetis; quod itaque falsum suppositum non potest non magnos causari errores. Refractio autem haec oritur a variante Aeris densitate quae in altum semper minuitur; hoc est, quo altior est Mons eo rariorem ibi experitum es[t] aerem, ob minus sibi incumbentis aeris pondus aut si mavis pressionem. Iam quoniam Radius visivus veniens a Summitate Montis sit linea Curva, summitas haec videbitur in linea Curvum radium tangente, adeoque attollitur et altior videtur haec summitas quam revera est. Adeoque vides, Vir Celeberr., quam parum fidendum sit observationibus goniometricis.
Cl. Dn. Doctor Zwingerus heri auspicatus est suam Professionem Medicinae, egregiamque habuit Orationem de Utilitate Anatomiae in Cognoscendis Causis Morborum.
Coeterum remitto Tibi Mensem Actorum benevole mecum communicatum, pro quo summas ago gratias. Vale et porro favere perge Clarissimi et Incluti Nominis Tui Cultori Perpetuo I. Hermanno
Basileae d. 23 Ianuarii 1704.
Fussnoten
- ↑ Im Manuskript steht "occulos".
Zurück zur gesamten Korrespondenz