1718-10-06 Wolff Christian-Bernoulli Johann I: Unterschied zwischen den Versionen
(Importing text file) |
(Importing text file) |
||
| Zeile 21: | Zeile 21: | ||
|Datum=1718.10.06 | |Datum=1718.10.06 | ||
|Briefwechsel=Bernoulli, Johann I (1667-1748) | |Briefwechsel=Bernoulli, Johann I (1667-1748) | ||
|Signatur=BS UB, Handschriften. SIGN: L | |Signatur=BS UB, Handschriften. SIGN: L Ia 671, Nr.16* | ||
|Fussnote= }} | |Fussnote= }} | ||
<br style="clear:both" /> | <br style="clear:both" /> | ||
Version vom 26. November 2013, 12:09 Uhr
|
|
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Halle |
| Datum | 1718.10.06 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L Ia 671, Nr.16* |
| Fussnote | |
Viro Celeberrimo atque Amplissimo,
Dn. Johanni Bernoulli
S. P. D.
Christianus Wolfius.
Doleo, Vir Celeberrime, quod praeter intentionem ansam dederim offensae. Significavi utique Dn. Hermanno, Te misisse solutionem singularem problematis isoperimetrarum[1], atque eum adhortatus sum, ut suam[2] quoque communicaret, antequam Tuam videret; sancte tamen asseverare licet, me de ipso, quo uteris, methodo nihil ad eum perscripsisse. Quod vero Hermanniana prodierit, antequam Tua integra luci publicae exposita fuisset, Menckenii culpa factum est pluralitatem prolixitati praeferre soliti. Dabo in posterum operam, ne amplius quid irrepat, quod Te offendere possit. Crusiana responsio[3] ad Keilianas imputationes jam typis exscripta fuit, cum literae Tuae mihi redderentur: atque adeo gaudeo, quod Te probante prodierit. Quod Tibi, Vir acutissime, non displiceant Tentamina mea physica, mihi gratulor: calcar hinc mihi addetur ad ea continuanda. Agricolae opus de arboribus propagandis[4] evolvi et ipse; sed trita in re hortensi paradoxis verbis effert et ultra statutos limites extendit, invita saepius experientia. Ex meis circa vegetationem principiis, quorum aliqua pars in Tentamine Germanico de vera causa multiplicationis frumenti[5] continetur, rationem a priori reddere valeo successus et casus accurate determinare, quando unum quodque artificium locum habet. Dabo tamen, si Deus voluerit, operam ut omnia accuratis experimentis definiantur, quemadmodum jubes. De Perpetuo mobili Orffyreano Leibnitius primum honorifice sentiebat; sed cum studiosus quidam Lipsiensis in praxi mechanica excellens Wagnerus rotam construxisset,[6] quae ad aliquod tempus ab elatere incluso circumagebatur, suspicari omnino coepit, annon huic objectioni aliquid sit tribuendum. Haec autem suspicio nunc penitus sublata est, postquam fidem suam interposuit Serenissimus Hassiae Landgravius, quod nulla retensione opus sit ad motum continuandum, sed motus vi structurae continuetur. Quae hanc in rem edita sunt, ecce Tibi mitto, Vir Celeberrime, ut ipsemet judices, quid hactenus statui possit.[7] Caeterum ut Orffyrei ingenium et genium agnoscas, addidi scriptum ejus aliud, cujus generis plura jam dedit. Est Mathematum imperitus, et subinde vix sanae mentis videtur. Si credere ipsi fas est, inventionem perpetui sui mobilis scripturae sacrae debet, ait enim alicubi apud Lucam itemque in Apocalypsi ejus descriptionem contineri. Dn. Hermanni responsio,[8] qua plagii crimen a Keilio sibi imputatum a se amolitur in Diario Hagiensi prodiit; sed cum duriter, ut par erat, tractet hominem rusticis moribus proditum, Keilius jam aliud scriptum concinnavit (quemadmodum nonnemo ex Anglia redux narrat) in quo durius tractat Hermannum. Lucem publicam id nondum adspexit. Retulit idem amicus, Anglos sibi persuadere, quod in rusticitate modum excedere non possint, cum Germanis controvertentes. Atque ideo factum est, ut in Crusiano Schediasmate non emolliverim quasdam dictiones acerbiores, quae bilem Keilio et ejus sociis movere possunt. Rationem mearum in Mathesin et Philosophiam Lectionum intelliges ex libello,[9] quem hisce adjungo. Vale, Vir celeberrime et fave.
Dabam Halae Saxonum d. 6. Oct. 1718.
Fussnoten
- ↑ Bernoulli, Johann I Op. CIII, Joh. Bernoulli De Solutionibus quae extant Problematum isoperimetricorum, ejusque nova eorundem problematum, aliorumque cognatorum citra calculum solvendorum methodus brevis plana & facilis; Continuatio Observationis Bernoullianae de solutionibus quae exstant Problematum Isoperimetricorum &c.: AE Januarii 1718, pp. 15-31; AE Februarii 1718, pp. 74-88
- ↑ Hermann, Jacob Na. 024, Methodus nova solvendi problemata quae circa figuras Isoperimetricum...: AE, Januarii 1718, pp. 31-38
- ↑ Crusius, Johann Heinrich, M. Jo. Henr. Crusii Responsio ad Cl. Viri Johannis Keil, Astronomiae Professoris Oxoniensis, Defensionem pro Nobilissimo Vro Js. Newtono in Diario Literario Hagiensi A. 1716 editam: AE Octobris 1718, pp. 454-466
- ↑ Agricola, Georg Andreas, Entdeckte neu-erfundene Kunst von der Universal-Vermehrung aller Bäume und Stauden-Gewächse, Franckfurt, Leipzig 1716
- ↑ Wolff, Christian, Entdeckung der wahren Ursache von der wunderbaren Vermehrung des Getraydes, dadurch zugleich der Wachsthum der Bäume und Pflanzen überhaupt erläutert wird, Halle 1717
- ↑ Wagner, Christian, Kurtze doch gründliche Untersuchung, was von dem Rade, welches der so genannte Herr Doct. Orffreus zu Merseburg verfertiget, zu halten, und wie alles dasjenige, was er bißhero zu dessen vermeinten Beweiß-Grunde angeführet, noch lange nicht inferire, daß es deßwegen nothwendig das rechte Perpetuum mobile seyn müsse, Leipzig (Bauch) [1715]; Wagner, Christian, Das nunmehro völlig entdeckte Perpetuum Ac Per Se Mobile, : Darinne gründlich gezeuget wird, Daß das Von Herrn Orffyreo angestellte Experiment gar nichts tauge, und weder den motum perpetuum noch eine beständige Uberwucht erweise ; Wobey zugleich die ohnlängst herausgebene Merseburgische Schrifft völlig widerleget, Und Die Unmöglichkeit des motus perpetui mechanico-artificialis sattsam erwiesen wird, Leipzig (Martini) 1716
- ↑ Bessler, Johann Ernst Elias, Neue Nachricht von der curieusen Lauff-Probe des Orffyreischen... Perpetui mobilis, Leipzig 1718 (evtl. vielleicht auch folgendes) Bessler, Johann Ernst Elias (beteiligt), Gründlicher Bericht von dem durch den anitzo zu Merseburg sich befindenden Mathematicum Herrn Orffyreum Glücklich inventirten Perpetuo ac per se Mobili, nebst dessen accurater Abbildung : Wie solches seit dem Monath Junio dieses 1715ten Jahres zu gedachten Merseburg von einer grossen Menge Hoher Standes-Personen, gelehrter Leute, Künstler und Curiosorum in Augenschein genommen und genau examiniret, auch allda noch zu sehen ist, Leipzig 1716
- ↑ Hermann, Jacob Na. 026, Lettre de M. Herman Professeur...: Journal litéraire, Tom. 9, La Haye 1718, pp. 406-415. (Rückweisung von Keills Plagiatsvorwürfen hinsichtlich des inversen Problems der Zentralkräfte)
- ↑ Wolff, Christian, Ratio praelectionum Wolfianarum in mathesin et philosophiam universam, Halae Magdeburgicae 1718.
Zurück zur gesamten Korrespondenz