1731-10-06 Poleni Giovanni-Bernoulli Johann I

[Noch keine Bilder verfügbar]

Kurzinformationen zum Brief       mehr ...
Autor	Poleni, Giovanni, 1683-1761
Empfänger	Bernoulli, Johann I, 1667-1748
Ort	Padova
Datum	1731.10.06
Briefwechsel	Bernoulli, Johann I (1667-1748)
Signatur	Standort unbekannt
Fussnote

Joanni Bernoullio

Nuper Bergamo accepi humanissimas tuas ex quibus id intellexi, quod facile suspicabar; latere nimirum aliquid in pretio librorum olim mihi indicato. Quamobrem una cum litteris hisce alterum aureum, quem Tibi debeo, accipies; namque ita Mercatori praecipietur. Neque ideo tamen non fiet, ut pretium Librorum illorum modicum non sit; pro quibus (Bibliotecam enim meam amo et diligo) gratias Tibi iterum ago, et ago ex animo. Iterum etiam Te rogo, ut mihi ignoscas, quod petierim postremis litteris meis Sermonem Gallicum a de l'Isle editum, cum Responsione Filij tui Danielis; si forte fortuna istic permansit: in fasciculo enim novissime accepto, illum non inveni. Illum itaque transmittere poteris Tigurum Cl. Jo. Jacobo Scheuchzero. Ceterum superest; ut Tu, Praestantissime Vir opera mea utaris aliqua in re. Profecto numquam officio ulli deero, numquam ulli mei obsequij erga Te significationi. Vale; et me amare perge.

Patavij. pridie Non. Octob. MDCCXXXI

---

Fussnoten

Zurück zur gesamten Korrespondenz