1735-05-10 Wolff Christian-Bernoulli Johann I: Unterschied zwischen den Versionen
(Importing text file) |
(Importing text file) |
(kein Unterschied)
| |
Version vom 15. Juli 2010, 13:34 Uhr
|
|
| Kurzinformationen zum Brief mehr ... | |
|---|---|
| Autor | Wolff, Christian, 1679-1754 |
| Empfänger | Bernoulli, Johann I, 1667-1748 |
| Ort | Marburg |
| Datum | 1735.05.10 |
| Briefwechsel | Bernoulli, Johann I (1667-1748) |
| Signatur | BS UB, Handschriften. SIGN: L I a 671, Nr.50* |
| Fussnote | |
Viro
Amplissimo atque Celeberrimo,
Dn. Joanni Bernoulli,
Mathematico eminenti,
S. P. D.
Christianus Wolfius.
Ex literis tuis,[1] quas mihi reddidit Koenigius tuus, intellexi, Te, Vir celeberrime, mirari, quod diu nullas ego ad Te dederim literas. Saepius in eo fui, ut ad Te scriberem, sed ipse non satis amplius recordor, quaenam sese mihi obtulerint impedimenta, ut a proposito desistere coactus fuerim. Cum A. 1733 circa finem Rex Borussiae me Halam revocaret et redituro salarium bis mille thalerorum una cum dignitate Consiliarii intimi et Vice-Cancellariatu Academiae, filiolo autem meo, quem unicum habeo, Canonicatum offerret; tuum expetere decreveram consilium, quod tum mihi nonne loco erat, quando Petropolin vocabar. Sed quia mora deliberandi haud longa concedebatur facileque praevidere mihi videbar, Te reditum in Academiam Halensem minime probaturum; Tibi molestus esse nolebam. Ex eo tempore expectavi occasionem, qua Tibi Psychologiam rationalem[2] mittere possem. Ea vero nunc demum sese mihi obtulit, ex quo Koenigius in patriam rediturus Basileam proficiscitur. Philosophiae potissimum atque Juri apud nos operam dedit, exan[t]latis vero studiis in Doctorem Juris promotus est. Ejus agnatus[3], quem mihi commendasti, mihi percharus est et, si qua in re ejus commoda et studia promovere potero, faciam id quam lubentissime. Vale et fave.
Dabam Marburgi Cattorum d. 10 Maji. 1735.
Fussnoten
- ↑ Dieser Brief fehlt. Wolff erwähnt in seinem Brief an Formey vom November 1751, dass Samuel König auf Anraten von Johann Bernoulli nach Marburg kam, "um auch in der Philosophie sich feste zu setzen", Krakau, Biblioteka Jagiellónska (ehemals Varnhagen van Ensesche Sammlung in der Königlichen Bibliothek zu Berlin).
- ↑ Wolff, Christian, Psychologia rationalis, methodo scientifica pertractata, 1734
- ↑ Verwandter von Samuel König nachweisen
Zurück zur gesamten Korrespondenz