1724-06-30 Bernoulli Johann I-Wolff Christian: Unterschied zwischen den Versionen

Aus Bernoulli Wiki
Zur Navigation springen Zur Suche springen
(Importing text file)
(Importing text file)
Zeile 21: Zeile 21:
|Datum=1724.06.30
|Datum=1724.06.30
|Briefwechsel=Bernoulli, Johann I (1667-1748)
|Briefwechsel=Bernoulli, Johann I (1667-1748)
|Signatur=BS UB, Handschriften. SIGN: L Ia 671, Nr.17
|Signatur=Basel UB, Handschriften. SIGN: L Ia 671, Nr.17
|Fussnote=Datum von 29. in 30. Juni korrigiert. Im PS autographer Zusatz}}
|Fussnote=Datum von 29. in 30. Juni korrigiert. Im PS autographer Zusatz}}
<br style="clear:both" />
<br style="clear:both" />

Version vom 8. Dezember 2014, 14:11 Uhr


Briefseite   Briefseite   Briefseite   Briefseite  


Kurzinformationen zum Brief       mehr ...
Autor Bernoulli, Johann I, 1667-1748
Empfänger Wolff, Christian, 1679-1754
Ort Basel
Datum 1724.06.30
Briefwechsel Bernoulli, Johann I (1667-1748)
Signatur Basel UB, Handschriften. SIGN: L Ia 671, Nr.17
Fussnote Datum von 29. in 30. Juni korrigiert. Im PS autographer Zusatz



File icon.gif Viro Celeberrimo atque ampliss.

Christiano Wolffio

S. P. D.

Joh. Bernoulli

Ambas Tuas ad me eodem mense datas epistolas[1] recte accepi: gratias habeo pro transmisso Scripto Buddeano[2] notis Tuis illustrato. Non sine dolore et indignatione legere potui hujus Viri dolosum scribendi modum, quo Philosophiam Tuam conatus est reddere odiosam, sed ipsum prout meruit defricuisti ejusque technas et dolos optime in apricum produxisti. Reliqua Tua apologetica[3] qua ex nundinis Lips. ad me mitti jussisti, nondum obtinui, etiamsi Mercatores nostri jam ab aliquo tempore inde redierint, et aliquis eorum mihi attulerit fasciculum Act. Lips. cum Litteris a Cl. Menkenio. Quae Cl. Bulffing. Te volente ad me miserat de Fatis Tuis ea utique communicavi cum Cl. Scheuchzero[4] Tui ac mei amicissimo qui me aliquoties compellaverat ut si quid de Fortuna Tua resciscerem id sibi inpertirer; quod vero postmodum ea publico exposuerit in Novell. Tigur.[5] haud dubie ex optima erga Te intentione, id certe me inscio factum fuit. Interim ex voto Tuo sicuti praescripsit Bulffing. jam est allata medela in iisdem Novell.[6] sub N.o VI quas forsan jam vidisti aut proxime visurus es ita ut non opus sit ea quae ad vos spectant huc transcribere. File icon.gif Doleo ad Te non pervenisse meas Litteras 11 Martii datas; Commodum accidit, ut earum apographum mihi manserit, quod ergo his adjungo, ut labore sublever ea repetendi quae ad anteriores Tuas responsi loco scribebam. Videbis quas ob rationes nollem ego Tibi suadere ut vocationem Russicam amplectaris: fortassis non male ageres si amicum quendam, cujus res ferrent in Russiam migrare, Tui loco commendares Russis. Si caelebs essem minusque provectae aetatis, quemlibet locum ingratae Patriae praeferrem. Intellexi nuper ex litteris Cl. Nebelii[7] mei ante aliquot annos discipuli,[8] ipsum obtinuisse apud Herbornenses Cathedram Physico-Math. atque Te videndi copiam habuisse cum esset Marpurgi: laetor equidem videns jam aliquot Discipulorum meorum admotos esse Professionibus publicis,[9] ubi cum laude docent quod a me didicerunt. Optarem vero ut a parte Filiorum meorum eadem laetitia mihi contingeret etsi natu maximus in Lycaeo Bern. ante sesquiannum Juris Professionem nactus cum lauto satis salario doceat cum applausu,[10] ea tamen ipsi tantum in sexennium fuit demandata; quare mallem eum videre in alia statione quae esset perpetua. Filius meus Secundus in Italia hoc tempore degit medicinae exercendae gratia, uterque ad rem Mathem. feliciss. pollet ingenio, sicuti patet ex quibusdam speciminibus editis,[11] sed junior praesertim natus esse videtur ad Mathesin; monstravit mihi quaedam a se inventa perfectioni calculorum nostrorum inservientia quae me certe in stuporem dedere File icon.gif ipsisque ut audio Geometris Italis fuere admirationi. Haec Tibi Vir Ampl. dicere volui, ut data occasione Filios meos commendare possis, si forte quod saepe contingit consuleres de Viro idoneo ad Professionem aliquam aliamve stationem honestam invitando. Ut enim verum fatear, mallem eos apud Exteros quam in Patria fortunam experiri. Quod superest Vale Vir inter paucos mihi aestimatiss. Fautor Honoratiss. et me quod soles amare perge.

Dabam Basil. a. d. 30. Junii 1724

P. S. Scire aveo num compariturus sit Buddaeus quem iterato ad Colloquium vel Disputat. Tecum ineundam provocasti, atque cui ne recusandi caussam habeat, obtulisti itineris sumtus. Non video, quomodo declinare possit certamen, nisi velit aperte demonstratum dare, se desperatam causam habere ex animo calumniandi ortam. Cum in eo essem ut complicarem has litteras, advolant aliae ex Italia a Filio meo juniore,[12] qui sibi litem fuisse nuntiat cum Mathematicis Italis circa res varii argumenti, se vero eos ad silentium ceu appareat redegisse, emisso in lucem tractatu[13] rationum suarum momenta et demonstrationes continente, quibus non habeant Itali quod respondeant. De caetero nonnullam propensionem testatur in Russiam, si vocaretur sub honestis conditionibus ad Academiam Petropolitanam tanquam membrum societatis. Quamvis aegre consentirem in hoc Filii propositum ob longi itineris difficultates et molestias, quia tamen eum non arcent multae ex rationibus quae Te aliosque jam in lautis stationibus constitutos a suscipiendo hoc itinere avocant, fortassis desiderio ejus non resisterem, si accesserit stipulatio, ipsi in suo arbitrio ac potestate fore redeundi ad Lares nostros quandocunque voluerit. Adjectas ut cures ad Cl. Nebelium rogo.

Fussnoten

  1. ↑ Es handelt sich um die beiden vorangehenden Briefe Wolffs von 1724 05 08 und 1724 05 20
  2. ↑ Buddeus, Johann Franz, Herr D. Joh. Francisci Buddei Bedencken über die Wolffianische Philosophie mit Anmerkungen erläutert von Christian Wolffen, Franckfurt (Andreä) 1724 (Anmerkung: Wolff reprints Buddeus' critique and adds his running commentary and satiric refutation)
  3. ↑ [Text folgt]
  4. ↑ Johann I Bernoulli an Johann Jacob Scheuchzer xxxxx
  5. ↑ Neue Zeitungen aus der gelehrten Welt, Zürich 1724
  6. ↑ Neue Zeitungen aus der gelehrten Welt, Nr. VI, Zürich 1724, pp. 81-96
  7. ↑ [Text folgt]
  8. ↑ Nebel verteidigte am 24. März 1719 unter Joh. I B. seine Dissertatio physica de mercurio lucente in vacuo
  9. ↑ Recherchieren
  10. ↑ Nicolaus II Bernoulli war von März 1723 bis August 1725 Professor der Jurisprudenz an der Berner Akademie
  11. ↑ Bernoulli, Nicolaus II, Dissertatio iuris De jure detractionis, Basel 1715; Trajektorienarbeit in AE von 1716 05; De trajectoriis, AE 1718 06, Enodatio alicuius Problematis a Hermanno propositi...: AE, 1720 06 und Responsio ad Taylori Querelas: AE 1720 06, zwei weitere Teile von Nic. II Exercitatio geometrica de Trajectoriis: t. VII Supplementa der AE 1721; Animadversiones in ... J. Hermanni solutionem propriam... et communicatio Methodi Curvas inveniendi Algebraicas indefinite non quadrabiles...: t. VIII Supplementa AE, 1724; Bernoulli, Daniel, (St. 1) Dissertatio Inauguralis Physico-Medica De Respiratione, ..., Basel [1721]; (St. 2) Positiones Miscellaneae Medico-Anatomico-Botanicae, Basel [1721], (St. 3) Theses Logicae sistentes Methodum examinandi Syllogismorum validitatem, ..., Basel [1722]; (St. 4) Exercitationes quaedam mathematicae, Venetiis: Apud Dominicum Lovisam, 1724
  12. ↑ Dieser Brief ist nicht erhalten.
  13. ↑ Bernoulli, Daniel St. 4, Exercitationes quaedam mathematicae, Venetiis: Apud Dominicum Lovisam, 1724


Zurück zur gesamten Korrespondenz

Abgerufen von „https://bernoulli.ub-dd-prod.k8s.unibas.ch/index.php?title=1724-06-30_Bernoulli_Johann_I-Wolff_Christian&oldid=4550“